प्युठान । शनिवार बरौला बजार संगै खोला क्षेत्रमा सरसफाई गरिएको छ । ऐरावती गाउँपालिका प्युठानले स्थापना दिवसको अवसरमा सरसफाई कार्यक्रम गरेको हो । ०७३ चैत २ गतेदेखि गाउँपालिकाको वडा नंम्बर २ बरौला ददेरीपाटामा कार्यालय सञ्चालन भई सेवा सुचारु गरेको छ ।

शनिवार बजार संगै सरसफाई कार्यक्रम गरिएको प्रमुख प्रशासकिय अधिकृत अर्जुन सेन ओलीले बताए । गाउँपालिकाका अध्यक्ष नबील विक्रम शाहको नेतृत्वमा भएको सरसफाई कार्यक्रममा उपाध्यक्ष बुद्ध बहादुर बस्नेत, प्रमुख प्रशासकिय अधिकृत अर्जुन सेन ओली, कार्यालयका कर्मचारी, शिक्षक, विद्यार्थी, राजनीतिक दलका प्रतिनिधि, स्थानियबासी, नेपाल प्रहरीको उपस्थितीमा सरसफाई गरिएको हो । स्थानिय सरकारको जिम्मेवारी र दायित्व धेरै छन्, हामीले स्थानिय तहबाट सेवा सुचारु गर्दै गर्दा व्यवस्थापिका, कार्यपालिका र न्यायीक सेवालाई संगसंगै अगाडी वढाउनुपरेको गाउँपालिकाका उपाध्यक्ष बुद्ध बहादुर बस्नेतले बताए । यसमा सबै तहका सरोकारवालाको साथ र सहयोग मिलेको छ ,उनले भने,–‘सबैको साथ पाउँदा हामी खुसी छौँ । ’ साथै स्थापना दिवसको अवसर पारेर बरौला बजार क्षेत्रको सरसफाईमा जुटेको उनले बताए । सरसफाई कार्यक्रममा स्थानियको सहभागीताले खुसी भएको उनले बताए । हामीलाई मानव जीवन जीउनका लागि पर्यावरण्ीय दृष्टिले ज्यादै संवेदनशील भएको छ । वातावरण संरक्षण पहिलो चुनौती देखिन्छ, उनले भने,–‘ वातावरणीय संमवद्धन गर्न हामी सबैको दायित्व हो ।’ पर्यावरण संरक्षण र प्रदुषण नियन्त्रण गर्न जरुरी रहेको उनले बताए । गाउँपालिका भित्रका वडा कार्यालयले पनि वडा अध्यक्षको नेतृत्वमा वडा कार्यालय वरिपरि संगै बाटो, गाउँहरुमा सरसफाई गरेको पालिकाले जनाएको छ । 

प्यूठान फागुन २२ बर्षैदेखि खानेपानीको समस्या झेल्दै आएका ऐरावती गाउँपालिका ६ उदिकबासीको घरघरमा पानीको धारा जडान भएपछि उनीहरुको दैनिक फेरिएको छ । झिमरुक खोलाको दुषित पानी पिउन बाध्य भएका उदिकवासीहरुको लिफ्टबाट प्रबिधीबाट घरघरमा पानीका धारा आएपछि हर्षित भएका छन् । पश्चिम नेपाल ग्रामिण खानेपानी तथा सरसफाई दोस्रो चरण र ऐरावती गाउँपालिकाको आर्थिक सहयोगमा गाउँमा खानेपानी आयोजना समपन्न भएको ऐरावती गाउँपालिकाका वास संयोजक श्रीधर भट्टराईले जानकारी दिए । पश्चिम नेपाल खानेपानी ग्रामिण खानेपानी तथा सरसफाई परियोजना दोस्रो चरणको ३९ लाख ८२ हजार ८ सय ३५ र ऐरावती ऐरावती गाउँपालिकाको ६ लाख ११ हजार ७ सय ७३ रुपैया र स्थानीयको करिब १५ लाख वरावरको जनश्रमदान गरी कुल ६० लाख ९४ हजार ६ सय ८ रुपैयाको लागतमा खानेपानी आयोजना सम्पन्न भएको हो । खानेपानी आयोजनाबाट उदिकका ५४ घरधुरीका करिब ३ सय परिवार लाभान्वित भएका छन् । झिमरुक खोलाबाट लिफ्टीङ गरेर गाउँमा पानी ल्याएको ऐरावती गाउँपालिकाका अध्यक्ष नबिल बिक्रम शाहले बताए । ‘गाउँपाििलकाको एक घर एक धारा अभियान अनुसार उदिकमा खानेपानी आयोजना सम्पन्न गरेका छौँ’ ऐरावती गाउँपालिकाका अध्यक्ष नबिल बिक्रम शाहले भने,‘गाउँमा पानी आएपछि उदिकको वर्षैदेखिको समस्या समाधान भएको छ ।’ उदिकका स्थानीयले घण्टै लगाएर झिमरुक खोलाको दुषित पानी पिउने गरेका थिए । गाउँ नजिकै भएको पानीको मुहान विभिन्न कारणले सुकेपछि त्यहाँका स्थानीय खोलाको पानी पिउन बाध्य भएका थिए । गाउँमा लिफ्ट प्रबिधीबाट घरघरमा पानीका धारा आएपछि खोलाको दुषित पानी पिउनुपर्ने बाध्यता अन्त्य भएको उपभोक्ता समितिका कोषाध्यक्ष राधा खत्रीले बताईन् । ‘गाउँमा जथाभाबि सडक खनेपछि पानीको समस्या भएको थियो तर घरमै धारा आएपछि समस्या अन्त्य भएको छ’ उनले भनिन् । तरकारी खेती उदिकवासी ऐरावती गाउपालिका ६ उदिकका स्थानीयको घरघरमा पानीका धारा आएपछि गाउँको मुहार फेरिएको छ । गाउँमा पानीको समस्या हुदाँ जमिन बाझै थिए । उनीहरुले तरकारी तथा अन्य सामान बजारबाटै किनेर ल्याउने गर्थे तर अहिले सबैले बारीभरी तरकारी खेती गरेका छन । गाउँमा पानी आएसगै स्थानीयले तरकारी खेती गरि दैनिकीमा परिर्वतन ल्याएको स्थानीय सरस्वता आचार्यले बताइन् । ‘अहिले सबैले तरकारी खेती गरेका छन्’ उनले भनिन्,‘गाउँमा पानी आएसगै उदिकबासीको आयआर्जनको बाटो तरकारी खेती बनेको छ ।’ उदिकवासीले अहिले मौसमी तथा बेमौसमी तरकारी खेती गर्दै आएका छन् । गाउँमा तरकारी खेती हुन थालेपछि स्थानीयहरु स्वरोजगार बन्न थालेका छन् ।

ऐरावती गाउँपालिकाको केन्द्र बरौलामा दुई दिने एकिकृत घुम्ति शिविर सञ्चालन भएको छ । दुर्गम गाउँका स्थानियलाई घर दैलोमा पुगेर सरकारी सेवा दिने उदेश्य अनुसार ऐरावती गाउँपालिकाको केन्द्र बरौलामा घुम्ति शिविर सञ्चालन गरिएको प्युठान जिल्लाका प्रमुख जिल्ला अधिकारी बद्रीनाथ गैहृेले जानकारी दिए । अहिले नेपालमा संघिय शासन प्रणाली लागु भैसकेकाले विभिन्न तहका सरकारहरुले आ –आफनो कार्यक्षेत्र भित्र रहेर कार्यहरु गर्दै आएका छन । स्थानिय स्तरमा रहेको स्थानिय सरकारबाट अहिले धेरै सेवाहरु उपलब्ध भएका छन् । तर केहि सेवाहरु लिन जिल्ला सदुमुकाम पुग्नुपर्ने बाध्यता कायमै रहेको छ । उनले भने,–‘जिल्ला सदरमुकाम बाट प्रदान गर्ने सेवालाई स्थानिय स्तरसम्म पु¥याउन बरौलामा शिविर सञ्चालनमा ल्याएका हौँ ।’ स्थानिय तहको सहयोगमा जिल्लाका विभिन्न ठाउँमा एकीकृत घुम्ति शिविर मार्फत सेवा प्रदान गरेको उनले जानकारी दिए । यस आर्थिक वर्षमा गौमुखी गाउँपालिका, सरुमारानी गाउँपालिकामा शिविर सञ्चालन गरिसकेको उनले जानकारी दिए । उनले भने,–‘यस आर्थिक वर्षको तेश्रो शिविर ऐरावतीको बरौलामा गरिएको हो । ’ २ दिन सम्म चल्ने शिविरमा जिल्ला प्रशासन कार्यालयबाट नयाँ नागरिकता वितरण, जिल्ला प्रहरी कार्यालयबाट सुरक्षा र अपराध नियन्त्रणसम्बन्धी सचेतना कार्यक्रम , जिल्ला निर्वाचन कार्यालयबाट फोटो सहितको मतदाता नामावली दर्ता, घरेलु तथा साना उद्योग कार्यालयबाट उद्योग व्यवसाय दर्ता र परामर्श सेवा प्रदान गरिने प्रमुख जिल्ला अधिकारी गैहृेले जानकारी दिए । त्यस्तै ऐरावती गाउँपालिकाबाट अपाङ्गता तथा जेष्ठ नागरिक परिचय पत्र वितरण, स्वास्थ्य शिविर, पशुसँग सम्बन्धित सेवाहरु , कृषिसँग सम्बन्धित सेवाहरु दिईने गाउँपालिका अध्यक्ष नबील विक्रम शाहले जानकारी दिए । दुर्गमका क्षेत्रहरुका जनतालाई सेवा लिन अफ्ठेरो हुने महशुस गरेर गाउँपालिकाको केन्द्रमा शिविर सञ्चालन गरिएको गाउँपालिकाका अध्यक्ष नबील विक्रम शाहले जानकारी दिए । उनले भने,–‘जिल्ला प्रशासन कार्यालयको आयोजनामा शिविर गरिएको हो । ’ २ दिन सम्म चल्ने शिविरले यहाँका धेरैले सेवा पाउने अपेक्षा गरेको उनले सुनाए । गाउँपालिका अध्यक्ष शाहले गाउँपालिकाका अनेत्र दुर्गम क्षेत्रमा समेत शिविर सञ्चालन गरिदिन जिल्ला प्रशासन कार्यालयलाई आग्रह गरेका छन् ।

घुम्ति शिविरमा सेवा लिनेको घुईचो

जिल्ला प्रशासनको आयोजना तथा ऐरावती गाउँपालिकाको सहयोगमा चलेको शिविरमा स्थानिय स्तरमै एकीकृत घुम्ति शिविर सञ्चालन भएपछि सेवा लिनेको घुईचो लागेको छ । गाउँपालिकाका ६ वटै वडाबाट सेवाग्राही आएका छन् । ऐरावती गाउँपालिका वडा नंम्बर २ लामिदमारका १८ वर्षिय टिकाराम गाहले भने,–‘५ घण्टा पैदल हिडेर नागरिकता बनाउन आए ।’ घर बरौला भन्दा धेरै टाढा छ । उनले भने,–‘सदरमुकाम भन्दा नजीक पर्ने भएपछि नागरिगता बनाउन यहाँ आएको हु । ’ उनले खुसी हुदै भने,–‘सहज रुपमा नागरिकता बन्छ भन्ने सुनेर विहान ४ बजे उठेर आएको हुँ । ’ उनले नागरिकता सहज रुपमा पाएको सुनाए ।