आज मिति २०८३/०३/०९ गते ऐरावती गाउँपालिका बरौँला प्युठानको बिसौँ गाउँसभाको पहिलो बैठक,,सम्पुर्ण गाउँसभा सदस्यहरु तथा कर्मचारीहरुको उपस्थितिमा गाउँपालिकाको सभाहलमा सम्पन्न भएको छ ।
यस गाउँसभा कार्यक्रममा गाउँपालिका अध्यक्ष श्री नविल बिक्रम शाहले आगामी आ.व.२०८३/०८४ को निति तथा कार्यक्रम प्रस्तुत गर्नु भएको थियो ।
भोली मिति २०८२/०३/१० गतेको दिनमा यस बिसौँ गाउँसभाको दोस्रो बैठक बसी आ.व.२०८३/०८४ को बजेट तथा कार्यक्रम उपर छलफल गर्ने कार्यक्रम रहेको छ ।
आज सम्पन्न भएको पहिलो बैठकका केहि झलकहरु यहाँ समावेश गरिएको छ ।

स्थानीय शासन कार्यसम्पादन मूल्याङ्कन प्रणाली Local Governance Performance Assessment System (LGPAS) सम्बन्धी ऐरावती गाउँपालिकामा रहेका शाखा प्रमुखहरुलाई अभिमुखिकरण कार्यक्रम सम्पन्न भएको छ ।

सिकाई आदानप्रदान तथा अन्तर पालिका सहकार्य गर्ने उद्धेश्यसहित अर्घाखाँची र प्यूठानका ६ वटा पालिकाको बैठक बसेको छ ।

प्युठानको ऐरावती गाउँपालिकाको आयोजनामा सम्पन्न बैठकमा प्यूठानका ऐरावती, मल्लरानी, माण्डवी र सरुमारानी गाउँपालिका तथा अर्घाखाँचीका भुमिकास्थान र शितगंगा नगरपालिकाको सहभागिता रहेको थियो ।

आर्थिक वर्ष ०८०/०८१ मा स्वास्थ्य तर्फ सम्पादित कार्यक्रमको आधारमा, स्वास्थ्य कार्यालय प्यूठानको आयोजनामा सञ्चालित बार्षिक समीक्षा कार्यक्रममा ऐरावती गाउँपालिकाले जम्मा ६७.५१ प्राप्ताङ्क सहित तृतीय स्थान हासिल गर्न सफल भएको छ ।प्युठान जिल्लाभरमा गौमुखी गाउँपालिका ६७.८७ प्राप्ताङ्क सहित प्रथम तथा माण्डवी गाउँपालिका ६७.६९ सहित द्दितीय स्थान हासिल गर्न सफल भएका थिए ।